Zuyufur Rohman

МЕН УЧУН ҲАМ ЙИҒЛАНГЛАР

Басрада бир обид бўларди. У кўп ибодат қилар, маҳзунлик ва кўп йиғи уни касал қилиб, оздириб юборган эди. Вафоти яқин қолганида аҳлу оиласи унинг атрофига тўпланиб йиғлашди. Обид уларга: «Мени ўтирғизиб қўйинглар», деди. Сўнг уларга қараб, отасидан сўради:
— Отажон, сиз нега йиғлаяпсиз?
— Ўғлим, сени йўқотишни, сендан кейин ёлғиз қолишимни ўйлаб йиғладим.
Обид онасидан сўради:
— Онажон, сиз нега йиғлаяпсиз?
— Фарзанд доғининг аччиғини тотишимни ўйлаб йиғлаяпман.
Сўнг хотинидан сўради:
— Сен нега йиғлаяпсан?
Яхшиликларингизни йўқотишимни, сиздан бошқага муҳтож бўлишимни ўйлаб йиғлаяпман.
Обид болаларидан сўради:
— Сизлар нега йиғлаяпсизлар?
— Сиздан кейин хор бўлишни, етим қолишни ўйлаб йиғлаяпмиз.
  Бу жавобларни эшитган обид уларга қараб туриб, йиғлаб юборди. Улар сўрашди:
— Ўзингиз нега йиғлаяпсиз?
— Бирортангиз мен учун йиғламаётган экансиз. Ҳамма фақат ўзи учун йиғлаяпти экан. Ичингизда мен учун — сафарим узоқлигини ўйлаб йиғлайдиган йўқми?
Сафар учун озуқам озлигини ўйлаб йиғлайдиган йўқми? Тупроқда ётишимни ўйлаб йиғлайдиган йўқми? Оғир ҳисоб-китобга йўлиқишимни ўйлаб йиғлайдиган йўқми? Оламлар Роббининг олдида туришимни ўйлаб йиғлайдиган йўқми?
  Обид шу сўзларни айта туриб, юзи билан йиқилди. Уни қимирлатиб кўришди. Қарашса, жони узилган экан.
("Солиҳлар гулшани")

https://t.me/Zuyufurrohman

​Расулуллоҳ соллаллоҳу алайҳи васаллам айтдилар:
==================
📚«Ким бир кунда юз марта "Ла илаҳа иллаллоҳу ваҳдаҳу ла шарийка лаҳ, лаҳул мулку валаҳул ҳамд. Ва ҳува ала кулли шай-ин қодийр" деса, унга ўнта қулни озод қилганнинг савоби берилади, юзта яхшилик ёзилади, юзта гуноҳи ўчирилади. Ўша кун то кечгача шайтондан унга қалқон-ҳимоя бўлгай. (Қиёмат куни) Ундан кўра афзалроқ нарсани ҳеч ким олиб келолмайди. Фақат ундан кўпроғига амал қилган кишигина афзал бўлади».

✍️ Бухорий ва Муслим ривояти
https://t.me/Zuyufurrohman

Ҳазрати Али розияллоҳу анҳудан ривоят қилинади: «Ким жума куни Расулуллоҳ соллаллоҳу алайҳи васалламга 100 марта салавот айтса, қиёмат куни у юзида бир нур билан келади»,
(Имом Байҳақий ривояти).

Анас розияллоҳу анҳудан ривоят қилинади. Набий соллаллоҳу алайҳи васаллам:«Менга жума кунида ва жума кечасида кўп салавот айтинглар, бас ким шундай қилса, мен унга қиёмат куни гувоҳ ва шафоатчи бўламан», дедилар
(Имом Байҳақий ривояти).
https://t.me/Zuyufurrohman

https://www.youtube.com/watch?v=UEtm_McA8tE https://t.me/Zuyufurrohman

Жума айёмингиз муборак бўлсин!

Анас розияллоҳу анҳудан ривоят қилинади:
Расулуллоҳ соллаллоҳу алайҳи васаллам:
«Ким жума куни бомдод намозидан олдин:

​ أسْتَغْفِرُ اللهَ الَّذِي لاَ إِلَهَ إِلاَّ هُوَ الْحَيُّ القَيُّومُ وَأَتُوبُ إِلَيْهِ

«Астағфируллоҳаллазий лаа илаҳа иллаа ҳувал ҳаййул қоййум ва атубу илайҳ», деб уч марта айтса, Аллоҳ таоло унинг гуноҳларини денгиз кўпигича бўлса ҳам, кечириб юборади», дедилар.

Маъноси: Ҳай ва қаййум сифатли Зотдан бошқа илоҳ йўқ ва Унга истиғфор айтаман, Унга тавба қиламан.

Ибн Сунний ривояти.. https://t.me/Zuyufurrohman

Ислом тарихидаги энг машҳур жанглар

Ислом тарихининг илк даври мусулмонлар ҳаётида муҳим воқеаларга бой бўлган. Пайғамбаримиз Муҳаммад соллаллоҳу алайҳи васаллам даврларида бир қатор ғазот ва жанглар содир бўлган. Кейинчалик Хулафои рошидинлар даврида ҳам мусулмонлар йирик давлатлар билан ҳарбий тўқнашувларга киришган.

Жанглардан кўзланган мақсад нима эди?

Пайғамбаримиз соллаллоҳу алайҳи васаллам даврларида Исломни етказиш ва даъват қилиш муҳим вазифалардан бири бўлган. Сийрат манбаларида айтилишича, айрим ҳарбий юришлар олдидан қарши томонга Исломни қабул қилиш ёки келишув асосида тинч муносабат ўрнатиш таклифлари билдирилган.

Шунингдек, Исломда инсонларни эътиқодга мажбурлаш мақсад қилинмаган.

Расулуллоҳ соллаллоҳу алайҳи васаллам айтдилар: «Ким золимга унинг ботил даъвосини ҳақ қилиб кўрсатиш учун ёрдам берса, у Аллоҳ ва Расулининг зиммаси(ҳифояси ва кафолати)дан чиқиб қолади».

Табароний “Муъжамул авсат”да, Абу Нуъайм “Ҳилятул-авлиё”да ривоят қилганлар.

НУР УСТИГА НУР

Биз Раббиси нур бўлган умматмиз:
⏺“Аллоҳ осмонлар ва ернинг нуридир”, (Нур сураси, 35 оят).

У зотнинг Набиййи нурдирлар:
⏺“Батаҳқиқ, сизларга Аллоҳдан нур ва очиқ-ойдин Китоб келди”, (Моида сураси, 15 оят).

У Зотнинг Китоби нурдир:
⏺“Бас, Аллоҳга, Унинг Расулига ва Биз нозил қилган нурга иймон келтиринглар”,  (Тағобун сураси, 8 оят).
Шундай экан, биз қандай қилиб зулмат яшашимиз мумкин?

🟠“(Бу) нур устига нурдир. Аллоҳ хоҳлаган одамни Ўз нурига ҳидоят қилур”, (Нур сураси, 25 оят).

Адолат

Абул Ҳасан Андалусий роҳимаҳуллоҳ ўзининг "Тарихи қузотил Андалус" китобида келтиради:
"Бадрун ас-Сақолий бир куни амирнинг ҳузурига йиғлаб кирди. У амирнинг энг суюкли ходими эди. Амир ундан сўради:
- Нега йиғлаяпсан?
Бадрун деди:
- Эй амир! Қози билан орамизда бир иш бўлиб қолди. Бунақаси ҳеч бўлмаган эди. Ер ёрилмади ерга кириб кетсам!
Амир сўради:
- Нима бўлди ахир?
Бадрун деди:
- Бир аёл қозининг олдига бориб менда ҳаққи борлигини даъво қилибди. Қози мени чақиртириб муҳрланган мактуб юборди. Мен унга:"Мен амирнинг иши билан бандман. Ишим тугаса сизга мактуб ёзаман", дея жавоб хатини жўнатдим. Озгина вақтдан сўнг қозининг миршаблари келиб мени қозининг олдига олиб кетишди. Қози менга қаттиқ гапирди:
- Нега мен чақирганимда келмайсан?! Мактубимга эътибор бермабсан?!
Мен дедим:
- Мен амирнинг юмуши билан банд эдим!
Қози деди:
- Амирнинг юмуши қозиликдир! Аёлга ҳаққини бер. Йўқса инсонлар олдида сени дарралайман!
Мен пулни беришдан ўзга чора топа олмадим. Мени шундай қилишларига индамай қараб тураверасизми? Ахир менинг ходимларингиз ичидаги обрўйимни биласиз-ку!
Амир деди:
- Эй Бадрун! Ўзингни бос. Сени мен яхши кўраман. Мендан нима ҳожатинг бўлса сўра, раво қиламан. Аммо қозининг ишини эмас! Биз бу эшикни ёпганмиз. Биз бу эшикдан ходимлар уёқда турсин, ҳатто фарзандларимизга, ака-укаларимизга, амакиваччаларимизга ҳам жавоб қайтармаймиз. Қози ўз ишини билиб қилади. У билиб ҳукм чиқаради!

Доимо бошқаларни рози қилишга ҳаракат қиладиган ва интиладиган инсон эҳтимол, бунга гоҳида ва чекланган, маҳдуд вақтларда эришар, бироқ бу унинг ҳақиқий истаклари ва ички бахти эвазига бўлади.
Оқибатда эса... у ўзини рози қилишда муваффақиятсизликка учрайди.

Адий Набулсий.